AMAPHOYISA asegasele kwancane indawo eNanda, eThekwini, emlindelweni webhungu elisolwa ngokuba ubhongoza wemigulukudu eyaziwa ngokuthi yi-West Isithombe: SIGCINIWE
AMAPHOYISA asefike kwancane indawo, awisa netende kubo komlisa osolwa ngokuba wubhongoza weqembu lemigulukudu i-West, osanda kubulawa eNanda, eThekwini.
Ubhongoza, uMnqobi Siyabonga “Hitler 10” Ndimande (22), udutshulwe nomunye umngani wakhe, ngoLwesine olwedlule, betholene phezulu namaphoyisa eCottonlands, eVerulam.
Imithombo esezinhlakeni eziqapha ubugebengu eNanda itshele Isolezwe ukuthi amaphoyisa atheleke kulo muzi, atshela ebebekhona ukuthi akukho mlindelo “wesigebengu” ozoba khona ngoLwesihlanu ebusuku.
Kuthiwa aphinde atshela umndeni ukuthi akushaye u-8 ekuseni usuwungcwabile umgulukudu.
Kuvela nokuthi abophe ababili, abatholwe nezibhamu ezingekho emthethweni.